الإعلامي نزار الفرا ينقل صرخة المواطنين بعد تضرر المياومين و ارتفاع الأسعار

مضمون هذا التعليق متداول على نطاق واسع و هو بدء صراخ في المجتمع التعبان أصلاً، تعليق من أحد المواطنين:

السادة الفريق الحكومي المعني بالتصدي لوباء كورونا
الى متى ستبقى الأسواق التجارية مغلقة و أعمالنا متوقفة ، الى متى سنبقى نحن فقط الملتزمين بالحظر .. متى هو ( الاشعار الاخر )
١٥ يوم و نحنا بالبيت لا شغلة ولا عَملة التزامً منا بقرار الحظر ، اما محلات و شركات الأغذية و المنظفات و إصلاح السيارات و صالات السورية للتجارة و ما منعرف مين لسا بياخود استثاء للفتح ، ماشية امورهن مع تحسن و تحكم بالأسعار و أعمالهن ازدهرت بالحظر .

تنويه بسيط للسادة المعنيين : انتشار الوباء (كورونا) ما رح يكون بالمحلات التجارية لانو بالايام العادية ما بيجتمع اكتر من زبونين مع بعض بالمحل، الوباء رح ينتشر بصالات السورية للتجارة و بالدور تبع السكر و بالدور عالخبز المدعوم او الأفران السياحية و بالمؤسسات الحكومية بسبب مراجعة المواطنين يلي طبعا ما فيهن مراجع لابس كمامة على أقل تقدير ، رح يكون بالناس يلي ما فهمت و لسا عم تروح تعمل سيران.

بسبب قرار الحظر الجائر خليتو كل شي يرتفع سعره بمقدار يزيد عن 50%

نطلب من السادة المعنيين أحد أمرين :
١ – حظر تجول تام و اغلاق لجميع الفعاليات و المؤسسات الحكومية و الخاصة لمدة ١٤ يوم ، المدة يلي بيموت فيها الفايروس و هيك منسرّع عملية الاحتواء.
٢ – او إلغاء الحظر الجزئي الحالي اسوةً بالمطابع و محلات اصلاح السيارات ، و فتح المحلات التجارية مع اخذ الاحتياطات اللازمة لعدم العدوى ،
مع التزامنا بأوقات حظر التجول و عودة العمال المياومين ليشتغلو و يأمنو كفاية منازلهم.

بتمنى من جميع الأصدقاء التعليق لنرفع البوست ، و من يلي بيعنيهم هالموضوع مشاركة البوست على أكبر نطاق ليوصل صوتنا

الإعلامي : نزار الفرا